प्रधानमन्त्रीले गल्ती स्वीकारे पार्टी एकता जोगिन्छः नेता भट्टराई

ईलाम माघ १५(ई-रैवार)
नेपाल कम्युनिष्ट पार्टी (नेकपा) प्रचण्ड–नेपाल समूहका नेता योगेशकुमार भट्टराईले प्रधानमन्त्री केपी शर्मा ओलीले गल्ती स्वीकारेमा एकता अझैँ सम्भव रहेको बताएका छन् ।
ईलाम जिल्लाको सदरमुकाममा नेकपाका कार्यकर्तासँगको छलफलमा उनले यस्तो बताएका हुन् ।
संसदमा पेश गरिएका कुनै पनि नीति, कार्यक्रम र बजेटमा फरक मतसमेत नराखी पारित गरिराखेकामा प्रधानमन्त्रीले पार्टीको असहयोग भन्नु गलत भएको भट्टराईले बताए।
सबै क्षेत्रबाट आन्दोलनमा लागे आगामी फागुन १५ सम्म प्रतिनिधिसभा पुनर्स्थापित हुने भट्टराईले जिकिर गरे।