धनगढी,वैशाख २७ (ई-रैवार)
सुदूरपश्चिम प्रदेशमा थप १७ जनाको कोरोना संक्रमणबाट मृत्यु भएको छ । सुदूरपश्चिम स्वास्थ्य निर्देशनालय डोटीलका अनुसार पछिल्लो २४ घण्टामा कैलाली, कञ्चनपुर, बाजुरा, डोटी र बैतडीका गरी १७ जनाको मृत्यु भएको हो।
सुदूरपश्चिम निर्देशनालय डोटीका अनुसार कैलालीका सबैभन्दा धेरै ८ जना, कञ्चनपुरका ५ जना, बाजुराका २ जना र डोटी तथा बैतडीका १/१ जना संक्रमितको मृत्यु भएको छ ।
यस्तै सुदूरपश्चिम प्रदेशमा पछिल्लो २४ घण्टामा पीसीआर र एन्टिजेन विधिबाट १ हजार ४४१ जनाको परीक्षण गर्दा थप ६८९ जनामा कोरोना भाइरसको संक्रमण पुष्टि भएको छ ।
