काठमाडौं, चैत २९ (ई-रैवार)
नेपालमा आज थप ३०३ जनामा कोरोनाभाइरस संक्रमण पुष्टि भएको छ । पछिल्लो २४ घण्टामा ३ हजार १२५ जनामा गरिएको परीक्षणमा ३०३ जनामा संक्रमण पुष्टि भएको हो ।
योसँगै नेपालमा कोरोनाभाइरस संक्रमितको संख्या २ लाख ८० हजार २८ पुगेको छ । पछिल्लो २४ घण्टामा १४१ जना कोरोनाभाइरस संक्रमणमुक्त भएका छन् । हालसम्म २ लाख ७४ हजार २७ जना संक्रमणमुक्त भएका छन् ।
आइतबारसम्म कोरोनाभाइरसको सक्रिय संक्रमित २ हजार ९६१ जना रहेका छन् । त्यस्तै, पछिल्लो २४ घण्टामा कोभिड–१९ का कारण एक जनाको मृत्यु पुष्टि भएको छ । योसँगै नेपालमा कोभिड–१९ का कारण मृत्यु हुनेको संख्या तीन हजार ४० पुगेको थियो ।
हाल देशभर क्वारेन्टिनमा ८३ जना छन् भने आइसोलेसनमा दुई हजार ९६१ जना रहेका स्वास्थ्य तथा जनसंख्या मन्त्रालयले जनाएको छ ।
