कञ्चनपुर, साउन ८ (ई-रैवार)
कञ्चनपुरको शुक्लाफाँटा नगरपालिका वडा नम्वर ७ को कार्यालयमा आगजनी गरिएको छ। अज्ञात समूहले बुधबार राति वडा नम्वर ७ को कार्यालयमा आगजनी गरेको हो ।
वडा सचिव महेश भट्टका अनुसार झ्यालको सिसा फुटाएर कार्यालयमा आगजनी गरिएको हो। कार्यालयको कम्प्युटर, सोफा, कार्पेट, कुर्सी र टेबुल जलेको छ । इलाका प्रहरी कार्यालय झलारी प्रहरी निरीक्षक धर्मेन्द्र रावलले घटनाको अनुसन्धान भइरहेको बताएका छन ।
