धनगढी, असार २३ (ई–रैवार)
सुदूरपश्चिम प्रदेशमा आज थप ४४ जनामा कोरोना संक्रमण पुष्टि भएको छ । सुदूरपश्चिम स्वास्थ्य निर्देशनालय दिपायलका अनुसार पीसीआर बिधिबाट २ सय ७४ नमूनाको परिक्षण गर्दा २८ र एन्टीजेन बिधिबाट ५ सय २१ नमूनाको परिक्षण गर्दा १६ जनागरी ४४ जनामा कोरोना संक्रमण पुष्टि भएको हो ।
यो संगै सुदूरपश्चिम प्रदेशमा कोरोना संक्रमितको संख्या ४४ हजार ३७ पुगेको छ । जसमध्ये ३५ हजार २९ जनाले कोरोना जितेका छन । स्वास्थ्य निर्देशनालयका अनुसार पछिल्लो २४ घण्टामा थप १२ जनाले कोरोना जितेका छन ।
सुदूरपश्चिम प्रदेशमा पछिल्लो २४ घण्टामा कसैको पनि कोरोना संक्रमणबाट मृत्यु नभएको जनाएको छ । सुदूरपश्चिम प्रदेशमा हाल सम्म ५७१ जनको कारोनाका कारण ज्यान गएको छ ।
