धनगढी, वैशाख २५ (ई-रैवार)
सेती प्रादेशिक अस्पतालमा आज थप ४९३ जनामा कोरोना भाइरसको संक्रमण पुष्टि भएको छ। सेती प्रादेशिक अस्पतालको प्रयोगशालामा पछिल्लो २४ घण्टामा १ हजार ३२ नमूना परीक्षण गर्दा ४९३ जनामा संक्रमण पुष्टि भएको हो ।
सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार प्रादेशिक अस्पतालको प्रयोगशालामा १ हजार ३२ नमूना परीक्षण गर्दा ४९३ जनामा संक्रमण पुष्टि भएको जानकारी दिएका हुन ।
सूचना अधिकारी श्रेष्ठले संक्रमितमध्ये कैलालीको धनगढी उपमहानगरपालिकाका ३०३ जना, धनगढीबाहेक कैलालीका १८३ जना र अन्य जिल्लाका ७ जनामा संक्रमण पुष्टि भएको बताए ।
सेती प्रादेशिक अस्पतालमा ६० जना कोरोना संक्रमितको उपचार भइरहेको छ । जसमध्ये ३ जना भेन्टिलेटरमा, १८ जना आइसियूमा, ३२ जना अक्सिजन सपोर्टमा उपचाररत छन्।
पछिल्लो २४ घण्टामा सेती अस्पतालबाट २ जना निको भई घर फर्किएका छन् भने थप २१ जना अस्पतालमा भर्ना भएका छन् । यस्तै एक जनालाई अन्यन्त्र रेफर गरेको सूचना अधिकारी दिलिपकुमार श्रेष्ठले जानकारी दिए।
यस्तै पछिल्लो २४ घण्टामा ७ जनाको उपचारकै क्रममा सेती प्रादेशिक अस्पतालमा मृत्यु भएको अस्पतालले जनाएको छ ।
