काठमाडौं, कार्तिक २७ (ई-रैवार)
नेपालमा आज थप १ हजार ९ सय १३ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा देशभरका प्रयोगशालामा १० हजार २२ नमुना परीक्षण गर्दा ७ सय ५९ महिला र १ हजार १ सय ५४ पुरुषगरी १ हजार ९ सय १३ जनामा कोरोना संक्रमण पुष्टि भएको हो ।
मन्त्रालयका अनुसार काठमाडौं उपत्यकामा मात्र ९ सय ७३ संक्रमित थपिएका छन् । जसमध्ये काठमाडौंका ७ सय ६४ जना, ललितपुरका १ सय २६ र भक्तपुरका ८३ जना छन् ।
कास्कीका ७१ जना, मोरङका ५७, रुपन्देहीका ५६, तनहुँका ५२, दाङका ५१, काभ्रे र कैलालीका ५०/५० जना, झापाका ४९, बाँकेका ४४, सुनसरी र चितवनका ३९/३९ जना, मकवानपुरका ३६, बर्दियाका २१, स्याङ्जाका २०, गुल्मीका १९, नुवाकोटका १८, पाल्पाका १७, सिराहाका १६, धनुषा, दोलखा र कञ्चनपुरका १४/१४ जना, नवलपरासीका १३, पर्सा, गोरखा र लमजुङका १२/१२ जना, धादिङका ११ र बाग्लुङका १० जनामा संक्रमण पुष्टि भएको छ ।
सिन्धुपाल्चोक र बझाङका ९/९ जना, सर्लाही, नवलपुर र डडेलधुराका ८/८ जना, सप्तरी र प्युठानका ६/६ जना, महोत्तरी, रौतहट, सिन्धुली, पर्वत र रुकुम पश्चिमका ५/५ जना, उदयपुर, बारा, कपिलवस्तु, दैलेख र सल्यानका ४/४ जना, ओखलढुंगा, धनकुटा, रामेछाप, मुस्ताङ र सुर्खेतका ३/३ जना, ताप्लेजुङ, अर्घाखाँची, रोल्पा, अछाम, बाजुरा र बैतडीका २/२ जना तथा तेह्रथुम, भोजपुर, सोलुखुम्बु, रसुवा, जुम्ला, हुम्ला र डोटीका १/१ जनामा संक्रमण देखिएको मन्त्रालयले जनाएको छ ।
यस सँगै कुल संक्रमितको संख्या २ लाख ४ हजार २ सय ४२ पुगेको छ । देशभर आजसम्म सक्रिय संक्रमितको संख्या ३८ हजार ४ सय ६१ रहेको छ ।
स्वास्थ्य तथा जनसख्ंया मन्त्रालयका अनुसार १ हजार १ सय ८९ जनाको मृत्यु भएको छ भने पछिल्लो २४ घण्टामा २ हजार ३ सय ४० जना देशभरका विभिन्न अस्पतालबाट डिस्चार्ज भएका छन् । अहिले सम्म १ लाख ६४ हजार ५ सय ९२ जना संक्रमणमुक्त भएका छन् ।
हालसम्म १५ लाख ८४ हजार ३ सय १७ जनाको पीसीआर परीक्षण गरिएको छ । हालसम्म देशभर ९ सय ७४ जना क्वारेन्टिनमा रहेका छन् ।
