धनगढी,कार्तिक २५ (ई-रैवार)
कञ्चनपुरको बेलौरीका एक कोरोना संक्रमित पुरुषको धनगढीमा मृत्यु भएको छ । कञ्चनपुरको बेलौरीका ६२ वर्षीय पुरुषको मंगलबार मृत्यु भएको हो ।
सेती प्रादेशिक अस्पताल धनगढीका सूचना अधिकारी दिलिप कुमार श्रेष्ठका अनुसार उनको सेतीको कोभिड अस्थायी अस्पताल धनगढीमा उपचारको क्रममा मृत्यु भएको हो ।
सूचना अधिकारी श्रेष्ठका अनुसार उनमा निमोनियाको समस्या देखिएको थियो । कार्तिक २१ कोरोना पोजिटिभ देखिएको उनलाई सो दिन नै अस्पताल भर्ना गरिएको थियो ।
