काठमाडौं, कार्तिक १२ (ई-रैवार)
कोरोना भाइरसको संक्रमणबाट नेपालमा आज थप ११ जनाको मृत्यु भएको छ । स्वास्थ्य तथा जनसंख्या मन्त्रालयको तथ्यांक अनुसार कोरोना भाइरसको संक्रमणबाट पछिल्लो २४ घण्टामा देशभर थप ११ जनाको मृत्यु भएको हो ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार हालसम्म कोरोना संक्रमणबाट मृत्यु हुनेको संख्या ८ सय ८७ पुगेको छ ।
कोरोना भाइरसको संक्रमणबाट मंगलबार देशभर १४ जना कोरोना संक्रमितको मृत्यु भएको थियो । सोमबार देशभर १४ कोरोना संक्रमितको मृत्यु भएको थियो ।
