काठमाडौँ, वैशाख १६ (ई-रैवार)
आज मुलुकभर मेघगर्जन, चट्याङ र हावाहुरीसहित वर्षाको सम्भावना रहेको छ । जल तथा मौसम पूर्वानुमान महाशाखाले मुलुकभर स्थानीय र पश्चिमी वायुको प्रभावले आज ठाउँठाउँमा मेघगर्जन, हावाहुरी र चट्याङसहित वर्षाको सम्भावना रहेको जनाएको हो ।
आज दिउँसो देशका पहाडी भू-भागका थोरै स्थानमा र तराईका एक/दुई स्थानहरुमा र अपरान्हपछि मेघगर्जन,चट्याङ, हावाहुरीसहित क्षणिक वर्षाको सम्भावना रहेको महाशाखाले जनाएको छ ।
शुक्रबार र शनिबार पनि वर्षाको सम्भावना रहेको महाशाखाले विहान जारी गरेको मौसम पूर्वानुमान बुलेटिनमा उल्लेख छ ।
आगामी तीन दिनको पूर्वानुमान यस्तो छ
बैशाख १६ गते (बिहीबार)
दिउँसो: देशका तराईका भू-भागमा आंशिक बदली र पहाडी भू-भागमा आंशिक देखि सामान्य बदली रहनेछ । देशका पहाडी भू-भागका थोरै स्थानमा र तराईका एक-दुई स्थानहरुमा अपरान्हपछि मेघगर्जन,चट्याङ, हावाहुरीसहित क्षणिक वर्षाको सम्भावना रहेको छ ।
राति : देशका तराईका भू-भागमा आंशिक बदली र पहाडी भू-भागमा सामान्य बदली रहनेछ । देशका पहाडी भूभागका एक-दुई स्थानमा मेघगर्जन, चट्याङ ,हावाहुरीसहित क्षणिक वर्षाको सम्भावना रहेको छ ।
बैशाख १७ गते (शुक्रबार)
दिउँसो: देशका तराईका भू-भागमा आंशिक बदली र पहाडी भू-भागमा सामान्य बदली रहनेछ । देशका पहाडी भू-भागका केही स्थानमा र तराईका एक-दुई स्थानहरुमा अपरान्हपछि मेघगर्जन, चट्याङ, हावाहुरीसहित क्षणिक वर्षाको सम्भावना रहेको छ ।
राति : देशका तराईका भू-भागमा आंशिक बदली र पहाडी भू-भागमा सामान्य बदली रहनेछ । देशका पहाडी भूभागका थोरै स्थानमा मेघगर्जन, चट्याङ, हावाहुरीसहित क्षणिक वर्षाको सम्भावना रहेको छ ।
बैशाख १८ गते (शनिबार)
दिउँसो: देशका पहाडी भू-भागमा आँशिक बदली रही बाँकी भू-भागमा मौसम सामान्यतया सफा रहनेछ । प्रदेश नं १ लगायत अन्य प्रदेशका पहाडी भू-भागहरूका केही स्थानमा मेघगर्जन,चट्याङ,हावाहुरीसहित क्षणिक वर्षाको सम्भावना छ ।
राति : देशका पहाडी भू-भागमा आँशिक बदली रही बाँकी भू-भागमा मौसम सामान्यतया सफा रहनेछ । प्रदेश नं १ का एक दुई स्थानमा मेघगर्जन, चट्याङ, हावाहुरीसहित क्षणिक वर्षाको सम्भावना छ ।
