धनगढी, पुस ५ (ई-रैवार)
सुदूरपश्चिम प्रदेश सभाका सभामुख अर्जुन बहादुर थापालाई कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा शनिबार गरिएको परिक्षणमा सभामुख थापालाई संक्रमण पुष्टि भएको हो ।
सभामुख थापाको सचिवालयले सेती प्रादेशिक अस्पतालको प्रयोगशालामा शनिबार गरिएको परिक्षणमा सभामुख थापालाई संक्रमण पुष्टि भएको जानकारी दिएको छ ।
ज्वरो र शरीर दुख्ने समस्या देखिएपछि शनिबार नमूना परीक्षण गराउँदा सभामुख थापालाई कोराना सङ्क्रमणको पुष्टि भएको उनका स्वकीय सचिव कविन्द्र रोकायाले जानकारी दिए ।
सभामुख थापा धनगढीस्थित आफ्नै निवासमा होम आइसोलेसनमा रहेको स्वकीय सचीव रोकायाले जानकारी दिए ।
