डोटी असोज २२(इ-रैवार)
डोटीका प्रमुख जिल्ला अधिकारी शंकर बहादुर बिष्टले चाडबाडको समयका लागी चाडबाड लक्षित सुरक्षा योजना कर्यान्वयन गरेको बताएका छन ।
जिल्लामा क्रियाशील सञ्चारकर्मीहरुसँग आज भेटघाट गर्दै उनले यस्तो बताएका हुन।
प्रमुख जिल्ला अधिकारीको रुपमा बुधबार जिल्लाको जिम्बेवारी सम्हालिसकेपछि जिल्ला सुरक्षा समितिको बैठक बसेर सो योजनाको सुरुवात गरिएको उनले बताए ।
चाडबाडको तथा मेलापर्व मनाउदा कोरोनाको महामारी बिद्यमान जोखिमलाइ मध्यनजर गरेर मनाउन उहाले सबैलाइ आग्रह गर्नुभयो । मेलापर्ब मनाउदा भौतिक दुरी तथा मास्कको प्रयोग गरेर मनाउन पनि उनले सुझाए ।
जिल्लाको सार्वजनिक सेवा तथा सुरक्षा ब्यवस्थालाइ चुस्तदुरुस्त बनाउन सबैले हातेमालो गर्नुपर्ने उनले बताए ।
