डोटी, भदौ १६ (ई-रैवार)
सुदूरपश्चिम प्रदेशमा कार्यरत २१ जना नेपाली सेनामा कोरोना भाइरसको संक्रमण देखिएको छ । डोटी अस्पतालको प्रयोगशालामा आज भएको परीक्षणमा नेपाली सेनाका २१ जनासहित डोटीका २४ जनामा संक्रमण पुष्टि भएको हो ।
जिल्ला स्वास्थ्य कार्यालय डोटीले २१ जना नेपाली सेना राजपुर दिपायलमा कार्यरत रहेको बताइएको छ । भने, अन्य संक्रमित दिपायल सिलगढी नगरपालिकाका –६ का २ पुरुष र केआईसिंह गाउँपालिका १ पुरुषमा कोरोना भाइरसको संक्रमण देखिएको जनाइएको छ।
यसअघि बैतडीमा कार्यरत १ नेपाली सेनाका जवानमा कोरोना भाइरसको संक्रमण भेटिएको थियो ।
