डडेल्धुरा, भदौ ४ (ई-रैवार)
डडेल्धुरा प्रयोगशालामा गरिएको परीक्षणमा थप ४७ जनामा कोरोना भाईरसको संक्रमण पुष्टि भएको छ । पछिल्लो २४ घण्टामा ३ सय ७० जनाको कोरोना परीक्षण भएकोमा ४७ जनामा संक्रमण पुष्टि भएको हो ।
पछिल्लो २४ घण्टामा त्यँहा ३ सय ७० जनाको स्वाब परिक्षण गर्दा ४७ जनाको पोजेटिभ र ३ सय २३ जनाको रिपोर्ट नेगेटिभ आएको प्रयोगशालाका इन्चार्ज इस्वरी प्रसाद भुसालले बताए ।
इन्चार्ज भुसालका अनुसार कोरोना संक्रमित हुनेहरुमा अछामको मेल्ल्क गाउँपालिकाका १५ जना,साँफेबगर नगरपालिकाका १५ जना रहेका छन । त्यस्तै डोटीको आदर्श गाउँपालिकाका १६ जना र डडेल्धुराको गन्यापधुरा गाउँपालिकाका १ जना रहेका छन ।
यो संगै सुदूरपश्चिम प्रदेशमा कोरोना संक्रमितको संख्या ५ हजार १ सय ३३ पुगेको छ ।
