धनगढी, जेठ १३ (ई-रैवार)
सेती प्रादेशिक अस्पतालमा बिहीवार १ सय ३४ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा पछिल्लो २४ घण्टामा ८ सय ११ जनाको स्वाब परीक्षण गर्दा १ सय ३४ जनामा कोरोना संक्रमण पुष्टि भएको हो ।
अस्पतालका सूचना अधिकारी दिलीप कुमार श्रेष्ठका अनुसार अस्पतालमा ४४ जनाको उपचार भईरहेको रहेका छन् । पछिल्लो २४ घण्टामा सेती प्रादेशिक अस्पतालमा थप ६ जना अस्पतालमा भर्ना भएका छन् ।आज २८ जनाले कोरोना संक्रमण जितेका छन् । अस्पतालमा तीन जनाको भेन्टीलेटर र १५ जनाको आइसीयुमा मा उपचार भइरहेको छ ।
सेती प्रादेशिक अस्पतालमा पछिल्लो २४ घण्टामा कसैको पनि मृत्यु नभएको सूचना अधिकारी दिलीप कुमार श्रेष्ठले बताएको छन् ।
