कञ्चनपुर, जेठ १३ (ई-रैवार)
कञ्चनपुर आज थप ६२ जनालाई कोरोना संक्रमण पुष्टि भएको छ । कञ्चनपुरमा पछिल्लो २४ घण्टामा पिसीआर बिधीबाट २९ र एन्टीजेनबाट परीक्षण गर्दा ३३ जनागरी ६२ जनालाई कोरोना संक्रमण पुष्टि भएको हो ।
जिल्ला स्वास्थ्य कार्यालय कञ्चनपुरका कम्प्युटर अपरेटर महेन्द्रा भट्टका अनुसार आज थप २१८ जना संक्रमण मुक्त भएका छन् ।
कञ्चनपुरमा कोरोना संक्रमणका कारण पछिल्लो २४ घण्टामा जिल्लामा ४ जनाले ज्यान गुमाएका छन्।
मृत्यु हुनेमा कञ्चनपुरको भिमदत्त ५ का ४८ बर्षिया महिला, भिमदत्त ६ का ८० बर्षिया महिला, बेदकोट ६ का ४७ बर्षिया महिला, र बेदकोट ७ का ४८ बर्षिय पुरुषको कोरोना संक्रमणबाट मृत्यु भएको जिल्ला स्वास्थ्य कार्यालय कञ्चनपुरले जनाएको छ ।
