डोटी, वैशाख २३ (ई-रैवार)
सुदूरपश्चिम प्रदेशका मुख्यमन्त्री त्रिलोचन भट्टलाई मातृशोक परेको छ । केआइसिंह गाउँपालिका–६ फलेडीका स्थायी बासिन्द रहेका मुख्यमन्त्री भट्टकी आमा ८४ वर्षीया शारदाको आज निधन भएको हो ।
खासै बिरामी नभए पनि उमेरले शारीरिक कमजोरी भई उनको निधन भएको जनाएको छ । केही दिन पहिलेदेखि स्वास्थ्यमा समस्या आएपछि उनकाे आज आफ्नै निवासमा मृत्यु भएको मुख्यमन्त्री भट्टका स्वकीय सचिव शिवसिंह ओलीले जानकारी दिए ।
मुख्यमन्त्री भट्ट अहिले आफ्नो निवास डोटी पुगिसकेको र आमाको अन्त्येष्टि शुक्रबार मात्रै गरिने उनकाे परिवारले जनाएको छ । धनगढीमा रहेका मुख्यमन्त्री भट्ट केहि दिन यता भाइरल ज्वरोका कारण बिरामी परेका छन् ।