कञ्चनपुर, वैशाख १४ (ई-रैवार)
महाकाली अस्पतालमा उपचाररत थप एकजना कोरोना संक्रमितको मृत्यु भएको छ । कञ्चनपुरको महाकाली अस्पतालमा उपचाररत भीमदत्त नगरपालिका–११ का ४० वर्षीय संक्रमितको सोमबार राति मृत्यु भएको हो ।
अस्पतालका कोभिड फोकल व्यक्ति डा. गोविन्द रोकायाले सोमबार भारतबाट फर्किएर आईसीयूमा भर्ना भएका उनको उपचारका क्रममा मृत्यु भएको जानकारी दिए ।
भारतमै कोरोना पोजेटिभ देखिएका उनी स्वास्थ्यमा समस्या देखिएपछि स्वदेश फर्किएका थिए । हिजो मात्रै कंचनपुरको महाकाली अस्पतालमा उपचाररत २ जना कोरोना संक्रमितको मृत्यु भएको थियो ।
