धनगढी, असोज १२ (ई-रैवार)
सेती प्रादेशिक अस्पतालको प्रयोशालामा थप ३४ जनामा कोरोना संक्रमण पुष्टी भएको छ । पछिल्लो २४ घण्टामा २ सय ३३ जनाको कोरोना परीक्षण भएकोमा थप ३४ जनामा संक्रमण पुष्टी भएको हो ।
सेती प्रादेशीक अस्पतालका सुचना अधिकारी दिलीप कुमार श्रेष्ठले संक्रमण पुष्टी हुनेमा कैलालीका २६ जना र कञ्चनपुरका ८ जनामा कोरोना पुष्टि भएको जानकारी दिएका छन ।
सुचना अधिकारी श्रेष्ठका अनुसार धनगढी उपमहानगरपालिका–१ मा ५ जना, वडा नम्बर २ मा १ जना, वडा नम्बर ३ मा २ जना, वडा नम्बर ४ का १ जना, वडा नम्बर ६ मा ९ जनामा कोरोना संक्रमण पुष्टि भएको छ ।
यस्तै जोशिपुर गाउपालिकामा ६ जना, घोडाघोडी नगरपालिकामा २ जना, कन्चनपुरको भिमदत्त नगरपालिकामा ७ र शुक्लाफाटा नगरपालिकामा १ जनामा कोरोना पुष्टि भएको श्रेष्ठले बताए ।
