काठमाडौं, असोज ३ (ई–रैवार)
नेपालमा थप १ हजार २ सय ४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस व्रिफिङमा शनिबार प्रवक्ता डा. जागेश्वर गौतमले पछिल्लो २४ घण्टामा १ हजार २ सय ४ जनामा कोरोना संक्रमण पुष्टि भएको जानकारी दिएका हुन् ।
मन्त्रालयका प्रवक्ता डा.गौतमका अनुसार यससँगै कुल संक्रमितको संख्या ६२ हजार ७ सय ९७ पुगेको छ ।
स्वास्थ्य तथा जनसंख्या मन्त्रालयलयका अनुसार पछिल्लो २४ घण्टामा नेपालमा ११ कोरोना संक्रमितको मृत्यु भएको छ । कोरोनाका कारण ज्यान गुमाउनेको संख्या ४ सय १ पुगेको छ । ४५ हजार २ सय ६७ जना कोरोना संक्रमण मुक्त भएका छन् ।
स्वास्थ्य तथा जनसंख्या मन्त्रालयका अनुसार हाल आईसीयूमा १ सय ७९ जना र भेन्टिलेटरमा ३५ जना कोरोना संक्रमित रहेका छन् ।
प्रदेश १ मा ७ जना, प्रदेश २ मा ४ जना, वागमती प्रदेशमा १ सय २७ जना, गण्डकी प्रदेशमा ६ जना, प्रदेश ५ मा २४ जना र कर्णाली प्रदेशमा ११ जना कोरोना संक्रमित आईसीयूमा रहेका छन् ।
त्येस्तै प्रदेश १ मा १ जना, वागमती प्रदेशमा ३३ जना र प्रदेश ५ मा १ जना कोरोना संक्रमित भेन्टिलेटरमा रहेका छन् ।
