काठमाडौं, आश्विन १ (ई-रैवार)
विश्वभर कोरोना भाइरसको संक्रमण ३ करोडभन्दा बढी नाघेको छ । पछिल्लो २४ घण्टामा ३ लाख ७ हजार ४ सय ६५ जनामा संक्रमण पुष्टि भएसँगै बिहीबार बिहान विश्वभर कोरोना संक्रमितको संख्या ३ करोड ३० हजार ८ सय ३९ पुगेको हो ।
यस्तै एकै दिन थप ६ हजार २ सय २० जनाको मृत्यु भएको छ । योसँगै कोरोना संक्रमणले विश्वभर मृत्यु हुनेको संख्या ९ लाख ४५ हजार ५१ पुगेको छ ।
एकै दिन २ लाख ६१ हजार ७ सय ७ मानिस कोरोना संक्रमणमुक्त भएका छन् । तथ्याङ्क अद्यावधिक गरिरहेको साइट वर्ल्डोमिटर्सका बिहीबार बिहानसम्म कोरोनाबाट निको हुनेको संख्या २ करोड १७ लाख ९७ हजार ९ सय १८ पुगेको छ । निको हुनेको यो संख्या कुल संक्रमितको ७२ प्रतिशत हो ।
कोरोना भाइरसकै संक्रमणबाट युरोपियन मुलुकहरूमा २ लाख १४ हजार २ सय ३५ जनाको मृत्यु भएको छ । ४२ लाख १८ हजार ९ सय ६२ जना संक्रमित भएकोमा २२ लाख ८२ हजार ३१ जना संक्रमणमुक्त भएका छन् ।
उत्तर अमेरिकी मुलुकहरूमा २ लाख ९४ हजार ५५ जनाको मृत्यु भएको छ । संक्रमितको संख्या ८१ लाख ३७ हजार २ सय ५० पुगेको छ । त्यसमध्ये ५० लाख ३७ हजार ३ सय ४९ जना संक्रमणमुक्त भएका छन् ।
यस्तै एसियाली मुलुकहरूमा १ लाख ६९ हजार ८ सय ९२ जनाको मृत्यु भएको छ । ८९ लाख ७१ हजार १ सय ७१ जना संक्रमित भएकोमा ७२ लाख ७५ हजार ८ सय ५५ जना संक्रमणमुक्त भएका छन् ।
दक्षिण अमेरिकी मुलुकहरूमा २ लाख ३२ हजार ६ सय ८२ जनाको मृत्यु भएको छ । ७२ लाख ९२ हजार ३ सय जना संक्रमित भएकोमा ६० लाख ४४ हजार ६ सय १६ जना संक्रमणमुक्त भएका छन् ।
अफ्रिकी मुलुकहरूमा ३३ हजार ३ सय ५ जनाको ज्यान गएको छ भने १३ लाख ८० हजार १ सय ४१ संक्रमित छन् । संक्रमितमध्ये ११ लाख ३१ हजार २९ जना संक्रमणमुक्त भएका छन् ।
त्यस्तै अष्ट्रेलियासहित ओसिनियाका मुलुकहरूमा ८ सय ६७ जनाको मृत्यु भएको छ । ३० हजार २ सय ९४ जना संक्रमित भएकोमा २६ हजार ३ सय ८७ जना संक्रमणमुक्त भएका छन् ।
