धनगढी, भदौ १९ (ई-रैवार)
वन मुद्धामा फरार ४ जनालाई प्रहरीले पक्राउ गरेको छ । जिल्ला प्रहरी कार्यालय कैलालीका अनुसार वन मुद्धामा फरार ४ जनालाई प्रहरीले पक्राउ गरेको हो ।
प्रहरी कार्यालयका प्रवक्ता तथा प्रहरी नायव उपरिक्षक प्रतिक विष्टले पक्राउ पर्नेमा धनगढी उपमहानगरपालिका –११ का ३३ वर्षीय केवल राना, जोशीपुर गाउँपालिकाको वडा नम्बर २ का ३० वर्षीय इश्वर डगौरा, सोही ठाउँका ४१ वर्षीय प्रसाद डगौरा र ५८ वर्षीय हरी कुमाल डगौरा रहेको जाकारी दिएका छन् ।
प्रवक्ता तथा प्रहरी नायव उपरिक्षक विष्टले पक्राउ परेकामाथि अदालबाट फैसला भइसकेकोमा उनीहरु फरार सूचिमा रहेको बताए । उनका अनुसार अदालतले केवल रानालाई ६१ हजार ८ सय ४०, इश्वर डगौरा, प्रसाद डगौरा र हरी कुमाल डगौरालाई प्रतिक्ति ६७ हजार ८ सय ६४ जरिवाना तोकेको थियो ।
