बाजुरा असार ९(ई-रैवार)
बाजुराको त्रिवेणी नगरपालिका–६ पन्धाराबाट बाघको छाला सहित पक्राउ परेका तीन जनालाई जिल्ला प्रहरी कार्यालय बाजुराले मंगलबार सार्वजनिक गरेको छ ।
सोही नगरपालिका–६ पन्धारा बस्ने स्थानीय लाल बहादुर बुढाको घरमा लुकाइ राखेको अवस्थामा बाघको छाला भालुुको पित्त,घोरल रतुवा, बदेल लगायतका जनावरको खुट्टा,हड्डी लगायतका वस्तु सहित तीन जनालाई पत्रकार सम्मेलन मार्फत सार्वजनिक गरेको जिल्ला प्रहरी कार्यालय बाजुराका प्रहरी प्रवक्ता दानबहादुर रोकायाले जानकारी दिएका छन् ।
पक्राउ पर्नेमा त्रिवेणी नगरपालिका–७ का स्थानीय ३८ वर्षका रामबहादुर अयडी,सोही ठाउँमा २३ वर्षका खगेन्द्र खड्का र बडीमालिका नगरपालिका–५ मनाका २४ वर्षीय विर्खबहादुर साउँद रहेको प्रवक्ता रोकायाले सम्मेलनमा सार्वजनिक गरेका छन् ।
बाघको छाला सहित तीन जना पक्राउ
