बैतडी, भदौ ६ (ई-रैवार)
बैतडीको पञ्चेश्वर गाउँपालिका विरुद्ध राष्ट्रिय सूचना आयोगमा पुनरावेदन निवेदन पठाइएको छ । गाउँपालिकाले सूचना माग गर्दा समेत उपलब्ध नगराएको भन्दै नेपाली कांग्रेस पञ्चेश्वर गाउँपालिका समितिले राष्ट्रिय सूचना आयोगमा पुनरावेदन निवेदन पठाएको हो ।
जिल्ला प्रशासन कार्यालयमा मार्फत सूचनाको माग गर्दै गाउँपालिका विरुद्ध राष्ट्रिय सूचना आयोगमा पुनरावेदन पठाइएको नेपाली कांग्रेस जिल्ला कार्यसमिति सदस्य रमेश भण्डारीले जानकारी दिए ।
विभिन्न २१ बुँदे माग सहित गाउँपालिकामा निवेदन दर्ता गराएर सूचनाको माग गरिएको भएपनि सूचना प्राप्त नभएकाले जिल्ला प्रशासन कार्यालय र हुलाक मार्फत राष्ट्रिय सूचना आयोगमा पुनरावेदन निवेदन पठाएको नेपाली कांग्रेस पञ्चेश्वर गाउँपालिका सभापति रामबहादुर चन्दले बताए ।
सूचनाको हक सम्बन्धी ऐन प्रयोग गरेर सूचना माग्दा समेत सूचना नपाइएकाले आयोगमा पुनरावेदन दिइएको भण्डारीले जानकारी दिए ।
