धनगढी, साउन २३ (ई-रैवार)
महामारीका रुपमा फैलिएको कोरोना भाइरसका थप ४ सय ६४ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा चार सय ६४ संक्रमित थपिएका पुष्टि गरेका हुन ।
प्रवक्ता डा. गौतमका अनुसार पछिल्लो २४ घण्टामा देशभरका विभिन्न अस्पतालबाट ४ सय २५ जना डिस्चार्ज भएका छन् । यो सँगै हालसम्म उपचारपछि घर फर्किएका विरामीको संख्या १५ हजार ८ सय १४ पुगेको छ ।
यस अघि बुधबार देशभर ३ सय ८१ कोरोना भाइरस संक्रमित थपिएका थिए भने एक सय ३० जना डिस्चार्ज भएका थिए । बिहीबार देशभर ३ सय ६० कोरोना संक्रमित थपिएका थिए भने २ सय ३३ जना डिस्चार्ज भएका थिए ।
