काठमाडौँ, असार २० (ई–रैवार)
राष्ट्रियसभाको बैठक आज संसद् भवन नयाँ बानेश्वरमा बस्दै छ । संघीय संसद्को माथिल्लो सदन राष्ट्रियसभाको आठौँ अधिवेशनको दोस्रो बैठक दिउँसो १ बजे बस्ने तय गरिएको हो ।
आजको बैठकमा प्रधानमन्त्री केपी शर्मा ओलीले ‘राष्ट्रिय समावेशी आयोगको दोस्रो वार्षिक प्रतिवेदन, २०७६/०७७’ सभासमक्ष पेस गर्ने सम्भावित कार्यसूची रहेको बताइएको छ ।
संघीय संसद्का महासचिव डा. भरतराज गौतमले प्रत्यायोजित व्यवस्थापन तथा सरकारी आश्वासन समितिका सभापति रामनारायण विडारीले समितिको दोस्रो वार्षिक प्रतिवेदन, २०७७/०७८ सभासमक्ष पेस गर्ने सम्भावित कार्यसूची रहेको जानकारी दिएका छन् ।
यही असार १७ गते आठौँ अधिवेशनको पहिलो बैठक बसेको थियो । त्यस दिन केही अध्यादेशहरू सभासमक्ष पेस गरिएको थियो ।
