काठमाडौं, चैत २७ (ई-रैवार)
नेपालमा आज थप २ सय ८८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ७१ जनामा गरिएको परीक्षणमा २ सय ८८ जनामा संक्रमण पुष्टि भएको हो ।
मन्त्रालयका अनुसार काठमाडौं जिल्लामा मात्र १ सय १७, कास्कीमा ३३, मोरङमा १३, रुपन्देहीमा १६, दाङमा १४ र सुर्खेतमा १३ जनामा कोरोना संक्रमण पुष्टि भएको छ ।
हालसम्म देशभर कोरोना संक्रमितको संख्या २ लाख ७९ हजार ३ सय ८८ जना पुगेको छ । जसमध्ये २ लाख ७३ हजार ७ सय ३५ जना निको भएका छन् भने ३ हजार ३८ जनाको मृत्यु भएको छ । हाल देशभर २ हजार ६ सय १५ जना कोरोना भाइरसका सक्रिय संक्रमित रहेका छन् ।
त्यस्तै मन्त्रालयका अनुसार पछिल्लो २४ घण्टामा नेपाल प्रवेश विन्दुमा गरिएको एन्टिजेन परीक्षणमा ५२ जनाको नतिजा पोजेटिभ देखिएको छ ।
कञ्चनपुरको गड्डाचौकी हेल्थ डेस्कमा २ सय १८ जनाको एन्टिजेन परीक्षणमा १० जना र कञ्चनपुरकै चित्रनगर हेल्थ डेस्कमा ३ सय ७२ जनामा गरिएको एन्टिजेन परीक्षणमा ४१ जनामा पोजेटिभ देखिएको छ ।
