बझाङ, कार्तिक २२ (ई-रैवार)
जिल्ला अस्पताल बझाङको प्रयोगशालामा थप ७ जनामा कोरोना पुष्टि भएको छ । पछिल्लो २४ घण्टामा अस्पतालको प्रयोगशालामा ९१ जनाको नमुना परीक्षण गर्दा ७ जनामा संक्रमण पुष्टि भएको हो ।
अस्पतालका प्रयोगशाला इञ्चार्ज नरेश खड्काका अनुसार २ महिला र ५ जना पुरुषगरी ७ जनामा कोरोना देखिएको हो ।
प्रयोगशाला इञ्चार्ज खड्काले जिल्लाको जयपृथ्वी नगरपालिकाका ३ जना, खप्तडछान्ना गाउँपालिकाका १ जना, थलारा गाउँपालिकाका १ जना, छब्बीस गाउँपालिकाका १ जना र जिल्ला अस्पताल बझाङका १ जना कर्मचारीमा कोरोना पोजेटिभ देखिएको जानकारी दिए ।
यस्तै फलअपमा रहेका ४ जनामा पनि संक्रमण देखिएको हो । अन्य परिक्षण गरिएका ८० जनाको नतिजा नेगेटिभ आएको छ ।
