काठमाडौं, भदौ १५ (ई-रैवार)
कोरोना संक्रमणबाट थप ७ जनाको मृत्यु भएको छ । स्वास्थ्य तथा जनसंख्या मन्त्रालयले पछिल्लो २४ घण्टामा ७ जना कोरोना संक्रमितको मृत्यु भएको पुष्टि गरेको हो ।
मन्त्रालयका प्रवक्ता डा. जागेश्वर गौतमले नियमित प्रेस बिफ्रिङका क्रममा १ बालिका, २ महिला र ४ पुरुषको कोरोना संक्रमणबाट मृत्यु भएको बताएका छन ।
प्रवक्ता गौतमका अनुसार मृत्यु हुने महोत्तरीकी ४ वर्षीया बालिका, गोरखाकी ६५ वर्षीया र रुपन्देहीकी ६८ वर्षीया महिला, झापामा ८६ वर्षीय, रौतहटमा ४० वर्षीय, चितवनमा ७८ वर्षीय र भक्तपुरमा ७७ पुरुषको मृत्यु भएको जानकारी दिएका हुन ।
यो सँगै हालसम्म देशभर कोरोना भाइरसको संक्रमणबाट मृत्यु हुनेको संख्या २ सय २८ पुगेको छ ।
