डडेल्धुरा, जेठ १ (ई-रैवार)
डडेल्धुरामा थप एक महिलाको कोरोना संक्रमितबाट मृत्यु भएको छ । डडेल्धुरा अस्पतालमा उपचाररत दार्चुला घर भएकी एक महिलाको कोरोना संक्रमणबाट मृत्यु भएको हो।
डडेल्धुरा अस्पतालका अनुसार फोक्सोमा समस्या देखिएपछि दार्चुलाको अपिहिमाल गाउँपालिका घर भई हाल महाकाली नगरपालिका–५ गल्फै बस्दै आएकी ३८ वर्षीया महिलाको ज्यान गएको हो।
दार्चुलाबाट फोक्सोमा समस्या देखिएपछि थप उपचारका लागि उनलाई डडेल्धुरा अस्पताल रेफर गरिएको थियो। उनको बिहीबार मात्रै कोरोना संक्रमण पुष्टि भएको थियो । स्वास्थ्य अवस्था अत्यन्तै चिन्ताजनक रहेको स्थितिमा डडेल्धुरा अस्पताल पुगको हुदाँ शुक्रबार राति साढे १२ बजे उनको मृत्यु भएको अस्पतालले जनाएको छ।
