डडेल्धुरा, २१ असोज ।
अमरगढी नगरपालिकाका एक कर्मचारीमा कोरोना भाइरसको संक्रमण देखिएपछि सिल गरिएको छ । कर्मचारीमा कोरोना पुष्टि भएपछि डडेल्धुराको अमरगढी नगरपालिका सिल गरिएको हो ।
डडेल्धुरा अस्पतालको प्रयोगशालामा बुधबार भएको परीक्षणमा एक कर्मचारीको कोरोना संक्रमण देखिएको नगर प्रमुख विशेश्वर प्रसाद ओझाले बताए ।
कर्मचारीमा कोरोना संक्रमण देखिएपछि नगरपालिकाको कार्यालय सिल गरिएको मेयर ओझाले जानकारी दिए । अर्कोे निर्णय नहुँदासम्म नगरपालिका सिल गर्ने निर्णय भएको उनले बताए । अन्य कर्मचारीको पनि स्वाब संकलन गर्ने तयारी रहेको उनले जानकारी दिए ।
