धनगढी, जेठ २ (ई-रैवार)
ह्युमानिटी फाउण्डेसन नेपालले कोरोना अस्पताललाई ५० थान बेड हस्तान्तरण गरेको छ । फाउण्डेसनले कोरोना संक्रमितहरुको उपचारका लागि कैलालीको गेटामा सञ्चालन गर्न लागिएको कोरोना अस्पताललाई ५० थान बेड हस्तान्तरण गरेको हो ।
शंकर ग्रुप, ईन्फिनिटी होल्डिङस्, हामी नेपालसंगको सहकार्यमा ह्युमानिटी फाउण्डेसनले कोरोना अस्पताल सञ्चालनका लागि ५० बेड हस्तान्तरण गरेको फाउण्डेसनले बताएको छ ।
ह्युमानिटी फाउण्डेसन नेपालका महासचिब दिर्घराज उपाध्ययाले ५० बेडसंगै ५० तकिया, ५० तन्ना, ५० थान मेटे«स पनि अस्पताललाई प्रदान गरेको बताएका छन् ।
ह्युमानिटी फाउण्डेसनले सुदूरपश्चिमका सरकारी अस्पतालहरुमा कोरोना संक्रमितहरुको उपचारका लागि निशुल्क अक्सिजन अभियान सञ्चालन गर्दै आएको छ ।
