कञ्चनपुर, पुस १८ (ई-रैवार)
कञ्चनपुरको शुक्लाफाँटा नगरपालिका कार्यालयले एक हप्तासम्मका लागि अत्यावश्यक बाहेकका सबै सेवा प्रवाह स्थगित गरेको छ । नगरपालिकाले एक सूचना जारी गर्दै आइतबार (१९गते)देखि एक हप्तासम्मका लागि अत्यावश्यक बाहेकका सबै सेवा बन्द गरिने जनाएको हो ।
सो नगरपालिकाको कार्यालय र मातहतका शाखामा कार्यररत केही कर्मचारीमा कोरोना भाइरसको संक्रमण पुष्टि भएकाले सेवा बन्द गरिने बताइएको छ ।
यस अवधिमा टेण्डर सम्बन्धी कार्य, प्रकाशित विज्ञापन बमोजिम उम्मेदवारको दरखास्त बुझ्ने कार्य, स्वास्थ्य, फोहोरमैला व्यवस्थापन, एम्बुलेन्स र दमकल सेवा भने सुचारू नै रहने शुक्लाफाँटा नगरपालिका कार्यालयले जनाएको छ ।
