डोटी, असार १२ (ई-रैवार)
डोटीमा बाख्रा चराउन गएकि पाँच वर्षिया बालिकालाई खोलाले बगाउँदा बेपत्ता भएकी छन् । शनिवार दिउँसो दुई बजे जिल्लाको पुर्विचौकी गाउँपालिका–४ स्थित गण्डीगाडले बगाउँदा पुर्विचौकी गाउँपालिका–४ का भिम मिजारी छोरी मिनु मिजार बेपत्ता भएकी हुन् ।
बेपत्ता वालिकाको खोजी कार्यको लागि जिल्ला प्रहरी कार्यालय डोटीका प्रहरी निरिक्षक कान्तिराम जोशीको नेतृत्वमा गएको टोलीले घटना स्थलमा खोजतलास गरिरहेको जिल्ला प्रहरी कार्यालय डोटीका प्रहरी उपरिक्षक दान बहादुर मल्लले जानकारी दिए ।
