बागलुङ बजारमा ग्यास लिक भएर रेष्टुरेन्टमा आगलागी

  • 1
    Share
बागलुङ बजारमा ग्यास लिक भएर रेष्टुरेन्टमा आगलागी

बागलुङ सदरमुकामको मुख्य बजारको एक रेष्टुरेन्टमा आगलागी भएको छ । बानपा–२ लोकतान्त्रिक चोकको नजिकै रहेको ग्रील एण्ड चिलमा मंगलबार दिउँसो अचानक आगलागी भएको हो।

रेष्टुरेन्टमा लागेको आगो केहीबेरमै बागलुङ नगरपालिकाको दमकल, प्रहरी र स्थानीयको सक्रियतामा नियन्त्रणमा लिएको जिल्ला प्रहरी कार्यालय बागलुङका प्रहरी नायव उपरीक्षक इकवाल हवारीले जानकारी दिए।
किचनमा ग्यास लिक भइ आगालागी भएको अनुमान गरिएको छ। आगलागीबाट किचन पूर्ण रुपमा क्षति भएको छ भने नगद र जिन्सीसमेत गरी १० लाख बराबरको क्षति भएको प्रहरी नायव उपरीक्षक हवारीले बताए।